Dy ushtarë kanë hapur zjarr ndaj trupave të tjera në një poligon të qitjes ushtarake ruse pranë Ukrainës, duke vrarë 11 ushtarë dhe duke plagosur 15 të tjerë, tha ministria ruse e mbrojtjes.
Të shtënat kanë ndodhur në rajonin Belgorod në Rusinë jugperëndimore, që kufizohet me Ukrainën.
Ministria e Mbrojtjes e Moskës tha se dy vullnetarët nga një ish-vend sovjetik i paidentifikuar hapën zjarr ndaj ushtarëve të tjerë gjatë stërvitjes, përpara se të vriteshin nga zjarri i kundërt.
