Elvis Sejdo, 20-vjeçari i cili u vetëdorëzua në Policinë e Tiranës për një grabitje me armë të kryer në gusht të këtij viti, ka lënë qelinë e burgut. Gjykata e Tiranës e ka liruar nga burgu të riun, pasi kërkesa për caktimin e masës së sigurisë ndaj tij ishte bërë jashtë afatit 72 orësh që e ka të përcaktuar Kodi i Procedurës Penale.
Ndajt tij prokuroria kërkoi arrest me burg, por gjykata vendosi të pranoi kërkesën e mbrojtjes që kërkoi lirimin e menjëhershëm të Sejdos, pasi masa ishte caktuar jashtë afateve.
Në seancë, Prokuroria arsyetoi se dokumentacionet për prerjen e fletës së arrestit për Sejdon u sollën me vonesë nga Policia e Tiranës dhe për këtë arsye afatet kanë kaluar.
Elvis Sejdo, ishte shpallur në kërkim në sajë të operacionit “Escape” pasi dyshohej se ishte bashkëpunëtor në një grabitje të ndodhur në afërsi të qendrës tregtare “Kristal” në kryeqytet.
Në atë kohë, Kevin Zekës i grabitën me armë 1450 euro dhe biçikletën, në pranga përfunduan Sebastjan Ogiçi, Ruzhdi Thoma dhe Marjus Fejzulla, ndërsa në kërkim u shpall Elvis Sejdo.
