Një ngjarje e rëndë ka ndodhur në Paris të Francës, ku një efektiv policie qëlloi për vdekje një drejtues makine.
Ngjarja ndodhi në zonën e Vincennes, ku dy efektivë policie i bënë shenjë një automjeti për të ndaluar por drejtuesi i mjetit nuk iu bind urdhrit të policisë për të ndaluar dhe tentoi të largohej.
Në këtë moment, një prej efektivëve nxorri armën e shërbimit dhe qëlloi në drejtim të shoferit. Sipas mediave franceze, në makinë ishin tre persona, por vetëm shoferi u qëllua. Pas të shtënave, makina devijoi dhe u përplas me një tjetër automjet.
Pavarësisht se i dhanë ndihmën e parë, shoferi nuk mundi t’i mbijetonte plagëve të marra.
Policia e Parisit ka ndaluar dy efektivët, ndërsa ndaj autorit të ngjarjes kanë nisur hetimet për vrasje me dashje.
Autoritetet ende nuk kanë zbuluar shkakun e ngjarjes si dhe nuk kanë publikuar arsyen pse efektivi kërkoi ndalimin e makinës
