Policia ka arrestuar dy shtetas të tjerë (babë e bir) në Shkodër në kuadër të operacionit “Qarku”, i cili zbuloi një javë më parë një “shtëpi bari” në fshatin Bardhaj të Shkodrës.
Deri në këto momente ka shkuar në 26 numri i të arrestuarve si autorë të dyshuar të veprimtarive kriminale në fushat e kultivimit, prodhimit dhe shitjes së kanabisit. Sipas njoftimit nga uniformat blu bëhet me dije se në pranga kanë rënë babë e bir me iniciale, V. N., 49 vjeç dhe S. N., 25 vjeç, banues në lagjen “Guerile” si të dyshuar për kultivimin e lëndëve narkotike.
Ndërkohë janë shpallur në kërkim bashkëpunëtori i tyre, shtetasi P. A., 31 vjeç dhe u procedua në gjendje të lirë shtetasja V. N., 49 vjeçe (bashkëshortja e shtetasit V. N.).
Policia bën me dije se janë sekuestruar 3 pako me lëndë narkotike kanabis, si dhe doza kanabisi, të gatshme për shitje, me peshë totale 1.5 kg. Gjithashtu në banesën e të arrestuarve është gjetur edhe 1 armë sportive.
Gjatë kontrollit fizik të ushtruar ndaj shtetasit S. N., shërbimet e Policisë i gjetën doza lënde të dyshuar narkotike kanabis, të gatshme për shitje. Në vijim, gjatë kontrollit në banesën e 25-vjeçarit dhe prindërve të tij, shtetasve V. N. dhe V. N., shërbimet e Policisë kanë gjetur dhe sekuestruar në cilësinë e provës materiale, 3 pako me lëndë të dyshuar narkotike kanabis, me peshë totale rreth 1.5 kg dhe një armë sportive.
- Ngjarja
Në operacionin e koduar “Qarku” fillimisht u arrestuan 16 persona, 10 prej të cilave gra të punësuara në këtë aktivitet kriminal të familjes Gjoni, në video mund të shohim kanabis në proces tharje, thasë me drogë gati për shitje dhe peshore që masnin sasitë e lëndës narkotike.
Blutë e Shkodrës sqarojnë se 10 prej grave të arrestuara ishin të punësuara nga familja Gjoni në fermën e kanabisit që ata kishin ngritur. Gjatë aksionit, në banesën e 31-vjeçarit Pjetër Gjoni janë gjetur sasi lënde narkotike në proces tharjeje dhe kanabis i tharë, me peshë totale 86 kilogramë.
Ndërkohë, bëhet me dije gjithashtu se 42-vjeçarja nga Kombinati Danjela Hasani ka qenë organizatorja që gjente gratë, kryesisht nga zonat e Tiranës dhe Krujës për t’i punësuar në ferma kanabisi.
Ajo madje ka qenë e dënuar edhe 3 herë të tjera më parë po për këtë veprimtari kriminale.
Emrat e plotë e disa nga të arrestuarve të operacionit “Qarku”:
Zef Gjoni, 56 vjeç, banues ne Bleran, Shkoder;
Pjeter Gjoni, 31 vjeç, banues ne lagjen Bleran, Shkoder;
Elvis Gjoni, 24 vjeç banues né Bleran, Shkoder;
Roland Gioni, 22 vjeç, banues ne lagen Bleran, Shkoder;
Flora Gioni, 29 vjeçe; banuese ne Bleran, Bardhaj, Shkoder;
Antoneta Gjoni, 55 vjeçe banuese në Bleran, Bardhaj, Skoder;
Danjela Hasani, 42 vjeçe banuese në Kombinat, Tirane;
Drita Cuni, 45 vjeçe, banuese ne Kamez,
Dorentina Hoxha, 34 vjeçe, banuese ne Mamurras,
Franga Gini, 52 vjeçe, banuese ne Kamez, Tirane,
Hurme Bafti, 47 vjeçe, banuese ne Kamez, Tirane,
Mimoza Hoti, 51 vjeçe, banuese ne Kombinat, Tirane,
Elida Doku, 43 vjeçe, banuese ne Fushe kruje,
Blerina Meta, 37 vjeçe, banuese ne fshatin Larushk, Fushe-Kruje, Kruje,
Valbona Haka, 45 vjeçe, banuese ne fshatin Nikel, Fushe Kruje,
Fatime Baftaj, 53 vjeçe, banues ne Kamëz,
Fabion Gjoni, 31 vjeç (shpallur ne kerkim) I dyshuar si i perfshire ne kete ngjarje kriminale.
