Endrit Braimllari ka komentuar fjalimin e kryeministrit Rama, në Këshillin e Europës.
Braimllari është shprehur se ‘lideri global’ në vend që të merret me hallet e shqiptarëve që dita ditës po vuajnë dhe jetojnë në varfëri ekstreme merret me spektakël.
Postimi i Braimllarit:
Rama, lideri “global” që nuk ndjek dot modelin e Kosoves
Për dy ditë me radhë, kryeministri Edi Rama po mundohet të na shfaqet si mbrojtësi i çështjes shqiptare, duke na sjelle si një trofe fjalimin e mbajtur në Asamblenë parlamentare të Këshillit të Europës.
“lideri global” ka harruar të merret me problemet e qytetareve që po varfërohen çdo ditë e më shumë nga rritja e çmimeve të mallrave të konsumit dhe naftës.
Ai nuk po dëgjon as kërkesat e drejta të pedagogëve që duan një trajtim dinjitoz nga shteti i tyre.
Në vend që të sulmojë pafund dhe te përbuzë shqiptarët e të dyjave shteteve, duhet te ndjekë të paktën modelin e qeverisë “Kurti” për mënyrën e trajtimit të pedagogëve.
Apo te japë ndihmë për shtresat në nevojë siç bëri së fundmi qeveria e Kosovës duke akorduar 100 euro për pensionistët e studentët dhe 50 euro shtesë në muaj për punonjësit e sektorit publik për përballizimin e krizës ekonomike botërore.
