Gjykata e Posaçme ka rrëzuar kërkesën e ish-ministrit të Mjedisit Lefter Koka për ndryshimin e masës së sigurisë, i cili ndodhet në qeli nën akuzat për shpërdorim detyre.
Në vendimin e GJKKO thuhet se Koka do vijojë të hetohet nën masën ‘Arrest me burg’.
Kujtojmë se çështja ndaj Lefter Kokës është ende në proces hetimi nga SPAK për dosjen e Inceneratorëve.
SPAK akuzon Kokën se ka përfituar ryshfet nëpërmjet kompanive fiktive të zotëruara nga familjarë dhe të njohur të tij.
Ndaj Kokës rëndojnë akuzat e” shpërdorimit të detyrës”, “pastrim të parave” dhe korrupsion”. Hetimet disa mujore zbuluan se Lefter Koka favorizoi pronarët dhe administratorët e kompanisë lidhur me koncesionin e inceneratorit të Elbasanit.
