U plagos me armë zjarri në këmbë 19 vjeçari Sebastiano Jallaj. Disa orë pas ngjarjes së ndodhur në fshatin Llakatund të Vlorës policia e qytetit zbardh dinamiken e plotë të ngjarjes.
Autori i kësaj ngjarjeje është një 20 vjecar nga Llakatundi. Policia e ka identifikuar tashmë dhe po punon për gjetjen e tij. Policia e klasifikon ngjarjen si konflikt të çastit për motive të dobëta.
Por si ndodhi ngjarja?
Sebastian Jallaj banues në Fier ka shkuar në Llakatund ku ka dhe të afërmit e tij (është nip aty). 19 vjeçari ka patur një zënkë me 20 vjeçarin dhe ka shkuar për ta diskutuar.
Është ulur fillimisht në lokalin e fshatit dhe është përplasur sërish me 20 vjeçarin.
Autori pas debatit me fjalë ka shkuar në shtëpi ku ka marrë armën e llojit pistoletë. Në momentin që Sebastian Jallaj ka qenë duke zbritur nga lokali ky e ka qëlluar me pistoletë në këmbë. Më pas është larguar. Jallaj është transportuar në spital me makinë të rastit.
Rreth 15 persona janë pyetur dhe kanë qenë të shoqëruar në komisariat për ngjarjen. Mes tyre personi që e dërgoi në spital, familjarë të autorit, dëshmitarë okular.
