Një shqiptar ka humbur jetën në Itali, si pasojë e një sherri me thika.
Ngjarja e rëndë mësohet se ka ndodhur gjatë natës në Treviso. Ende nuk dihen rrethanat e ngjarjes, por mediat italiane shkruajnë se ka pasur një përleshje me thika mes dy grupe të huajsh.
45-vjeçari është qëlluar shumë herë me thikë, plagë që i kanë shkaktuar dhe vdekjen. Përveç tij, si pasojë e përleshjes kanë mbetur të plagosur edhe disa persona të tjerë që aktualisht ndodhen në spital.
Shkaqet dhe emrat e personave nuk dihen ende, por sipas mediave italiane, gjithçka vjen si pasojë e një dhunimi të ndodhur pak ditë më parë në të njëjtën zonë. Dëshmitarët kanë treguar se kanë parë që nga një furgon të zbriste një grup njerëzish që ishin zënë edhe pak ditë më parë.
