Një grua ka bërë një denoncim në polici pasi pretendon se djali i saj është ngacmuar seksualisht.
Sipas njoftimit të policisë, gruaja me iniciale A.Q shprehet se një 40-vjeçar i ka ngacmuar seksualisht djalin e saj me aftësi ndryshe.
“Specialistët për Hetimin e Krimeve të Komisariatit të Policisë Korçë referuan materialet për vlerësim, pranë Prokurorisë së Rrethit Gjyqësor Korçë, pasi më datë 12.10.2022, ka bërë kallëzim shtetasja A. Q., 55 vjeçe, banuese në fshatin Porodinë, Korçë, e cila pretendon se 4 muaj më parë, shtetasi D. M., 40 vjeç, i ka ngacmuar seksualisht djalin e saj me aftësi ndryshe. Kjo ngjarje nuk është raportuar më parë në Polici, nga familjarët e djalit. Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme”, njofton policia e Korçës.
