Shefi i politikës së jashtme të Bashkimit Evropian, Josep Borrell, paralajmëroi sot Moskën se forcat e saj do të “asgjësoheshin” nga përgjigja ushtarake e Perëndimit nëse presidenti Vladimir Putin përdor armë bërthamore kundër Ukrainës, raporton AFP.
Në hapjen e Akademisë së Diplomacisë në Bruksel, Borrell tha: “Putin deklaroi se nuk po bën bllof. Duhet të jetë e qartë se as shtetet që mbështesin Ukrainën, Bashkimi Evropian, Shtetet Anëtare, si dhe Shtetet e Bashkuara dhe NATO-ja nuk poluajnë blofin.
Çdo sulm bërthamor kundër Ukrainës do të krijojë një përgjigje, jo bërthamore, por një përgjigje kaq të fuqishme nga ana ushtarake, saqë ushtria ruse do të asgjësohet”.
Shefi i NATO-s, Jens Stoltenberg tha gjithashtu se Rusia do të përballet me “pasoja të rënda” nëse nis një sulm bërthamor në Ukrainë.
Megjithatë, aleanca nuk ka kërcënuar se do të përdorë arsenalin e saj bërthamor për t’iu përgjigjur, pasi Ukraina jo-anëtare nuk mbulohet nga klauzola e saj e vetëmbrojtjes.
