Detaje të reja janë zbardhur nga ngjarja e rëndë që ka tronditur ditën e sotme Klosin ku humbën jetën babë e bir kurse një tjetër mbeti i plagosur.
Mësohet se masakra mund të ketë ndodhur për shkak të përplasjes mes dy fiseve që edhe më parë kanë pasur përplasje me njëri-tjetrin.
Nga informacionet paraprake mësohet se ka ndërruar jetë 17-vjeçari, Kenado Shira, ndërsa babai i tij Ilir Shira ka ndërruar jetë në spital duke mos i mbijetuar plagëve të marra.
Autori i dyshuar i kësaj ngjarje dyshohet se është Besnik Mjeshtri. Siç shihet edhe në foto trupi i viktimës është ende në vendin e ngjarjes, i mbuluar me një batanijë.
Mësohet se viktima dhe të plagosurit kanë qenë në një lokal dhe janë qëlluar në momentin që kanë dalë, teksa qëndronin në trotuar.
