Drejtori i Policisë së Shtetit, Muhamet Rrumbullaku në konferencën me temë “Lufta kundër trafikimit njerëzor”, ka kërkuar reformim të policisë, si ligjor, arsimor e strukturor.
“Kam kërkuar një reformim të policisë, si ligjor, arsimor e strukturor, për krijimin e një trupë të aftë profesionistësh për t’u përballur me krimin. Akademia e Sigurisë duhet të luajë rol duke rritur kapacitetet e stafit me programe afatgjata trajnimi. Përballja me krimin e organzuar që kërkon të sfidojë drejtësinë rendin e sigurinë. Ndaj ka nevojë të kemi oficerë të mirëtrajnuar me integritet të lartë profesional e moral, inteligjentë dhe me kurajo e aftësi të vecanta per t’u përballur me kriminn e organizuar”, ka thënë Rrumbullaku.
Rrumbullaku ka deklaruar se nuk ka asgjë për të shtuar për fatin e të shumëkërkuarit Ervis Martinajt deri më sot.
“Ne jemi duke punuar. Kemi struktura që po ndjekin rastin jemi në ecuri të procesit. Nuk kam asgjë më tepër për të deklaruar.” tha Rrumbullaku.
Teksa është pyetur për publikimin e emrave të punonjësve, Rrumbullaku shprehet se nuk ka asnjë lloj frike nga askush, pasi punonjësit nuk han presionin e askujt.
“Nuk ka informacion të klasifikuar pavarësisht instagramit dhe rrjetit. Duhet të keni informacionin për sistemin Deep Sea është motor kërkimi. Nuk ka database nuk ka të dhëna. Nuk kemi asgjë të ekspozuar, megjithatë ekspertiza do e tregojë. S’kemi frikë nga askush. Punonjësit e policisë nuk kanë frikë nga askush. Po kryejnë detyrën e tyre”, shprehet Rrumbullaku.
