Policia e Vlorës gjatë daljes në media këtë të Mërkurë është pyetur në lidhje me kontrollet e shumta që kanë zhvilluar se fundmi në bashkëpunim me Forcat e Ndërhyrjes së Shpejtë në qytetin bregdetar.
Policia është pyetur nëse këto kontrolle kanë lidhje me të shumëkërkuarin Ervis Martinaj.
“E vërtetë që FNSH ka qenë prezent ne qytetin e Vlorës. Ka një plan të detajuar nga shërbimet e policisë, e kemi pasur dhe mbështetjen e tyre. Këto kontrolle do vijojnë e në javët në vijim ne lidhje me procedimet qe kane ngritur skuadrat e hetimit”, tha zyrtari i Policisë.
I pyetur nëse ka të dhëna policia që Martinaj ka qenë në Vlorë zyrtari i Policisë tha se kjo është një cështje që nuk i përketë këtij qarku.
“Është një çështje që nuk i përket qarkut të Vlorës. Strukturat e DVP Vlorë mbështesin të gjitha strukturat e drejtorive të tjera policore për çfarëdo lloj verifikimi apo operacioni në terren”, pohoi zyrtari.
