Kreu i Partisë së Lirisë, Ilir Meta i është përgjigjur sondazhit të publikuar pak ditë më parë nga Top Channel të cilët e nxirrnin ish-presidentin si liderin më pak të pëlqyer në politikën shqiptare.
Gjatë një reagimi për mediat, Meta tha se ai beson vetëm sondazhit të përditshëm që ka në raport me qytetarët dhe kjo sipas tij do të tregohet në zgjedhjet e ardhshme lokale që do të zhvillohen pranverën e vitit 2023.
“Këtë sondazh për mua e ka shpallur Edi Rama që ditën që kam dalë nga presidenca. Rama e di shumë mirë që mbi 80% e Shqipërisë është duke zierë nga padurimi për ta shporrur një herë e mirë. Ai e di shumë mirë që në se ka një forcë politike ku priten duart e tij direkt, është PL. Tek të tjerat i ka futur duart ai direkt dhe indirekt. Unë i besoj sondazhit të përditshëm që një në raport me qytetarët dhe i besoj sondazhit që do të vijë për zgjedhjet vendore ku Partia e Lirisë do të arrijë një rezultat të jashtëzakonshëm. Do t’i japë një fitore gjithë opozitës, në rast se opozita e dëshiron këtë. Nuk jam i shqetësuar për popullaritetin tim, por për gjendjen ku është vendi dhe kjo vjen për shkak të Edi Ramës”, tha Meta.
