Gjykata e Apelit Tiranë ka miratuar këtë të Martë vendimin e Shkallës së Parë duke vendosur “arrest me burg” për 4 zyrtarët e UTB-së.
Katër zyrtarët u arrestuan pasi akuzohen se kanë përvetësuar plehra kimike dhe kanë falsifikuar dokumentacionin për hyrjen dhe daljen fiktive të këtyre imputeve bujqësore në magazinat e Fermës Didaktike të Universitetit Bujqësor Kamëz.
Kështu arrest me burg u caktua për Ali Rasha, me detyrë drejtori i formës didaktike eksperimentale në UBT.
Tahir Ballgjini ishte me detyrë përgjegjës i sektorit të Bujqësisë, Rushit Suna, specialist i sektorit të bujqësisë si dhe për Ahmet Mejdani, magazinier në magazinën qendrore në Universitetin Bujqësor në Tiranë.
Pas hetimeve u arrit në konkluzion se në bashkëpunim me njëri-tjetrin dhe në role të ndryshme, ata paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën.
