Një polic i ka dhënë fund jetës mesditën e së hënës në Selanik. Sipas mediave greke, bëhet fjalë për një efektiv policie 40-vjeçar, i cili ka qëlluar veten në makinën e tij.
Ngjarja ka ndodhur rreth orës 13:00 në rrugën Monastiriou, pak metra larg Komisariatit të Policisë.
Menjëherë zona është rrethuar nga forcat e policisë të cilat po kryejnë ekzaminime në vendngjarje.
Burimet bëjnë të ditur se punonjësi i policisë punonte në Drejtorinë e Policisë së Selanikut dhe ka përdorur armën e shërbimit për t’i dhënë fund jetës.
Plumbi që ka shkrepur në kokë ka kaluar tej për tej duke depërtuar edhe përtej dritares së shoferit. Deri më tani nuk dihet arsyeja pse oficeri vendosi t’i japë fund jetës.
