Ka ardhur më në fund dhe goli i parë i Armando Brojës në këtë sezon të Premier League me fanellën e Chelsea-t.
Sulmuesi shqiptar është aktivizuar në minutën e 72-të të ndeshjes kundër Wolves në vend të Mount dhe në minutën e 90-të ka fiksuar shifrat në 3-0 në favor të Bluve me një goditje të mrekullueshme.
Duket se “kura” Potter po funksionon, me londinezët që kanë marrë tri fitore radhazi në tri ndeshjet e fundit të luajtura mes kampionatit dhe Champions League. Havertz (45+3′) dhe Pulisic (54′) kanë qenë autorët e dy golave të tjerë.
