Një fëmijë 6 vjeç është plagosur me armë zjarri nga fqinji i tij i moshuar në një fshat të Kukësit. I mimturi është transportuar me urgjencë për në spital, ndërsa policia ka bërë të mundur arrestimin e autorit të ngjarjes.
Njoftimi i policisë:
Në fshatin Kodër Lumë, shtetasi H. D., 75 vjeç dyshohet se aksidentalisht ka plagosur me armë gjahu çifte, një shtetas 6 vjeç (fqinji i tij), i cili ndodhet në spital, nën kujdesin e mjekëve.
Shërbimet e Policisë kanë kapur dhe shoqëruar në Komisariatin e Policisë Kukës, shtetasin H. D., për kryerjen e veprimeve procedurale.
Arma e gjahut çifte është sekuestruar në cilësinë e provës materiale.
Grupi hetimor, nën drejtimin e Prokurorisë, po punon për sqarimin e rrethanave të ngjarjes.
