Është shtyrë seanca e parë për ekstradimin e “bosit” turk të kriptomonedhave, Faruk Fatih Özer.
Mësohet se seanca do të zhvillohet në datë 21 Tetor. Arsye për shtyrjen e seancës është bërë avokati i cili ka kërkuar njohjen e plotë të dokumentacionit.
Faruk Fatih Özer u arrestua në Vlorë më 30 gusht 2022. Turqia kërkoi ekstradimin e tij ndërkohë që në Shqipëri, Gjykata e Elbasanit kishte vendosur për të, më 2 shtator 2022 masën e sigurisë “Arrest me burg”.
Kurse Ozer i ka mohuar akuzat dhe ka shtuar se ky që po i bëhet është një sulm politik.
Ndërkohë në Turqi zyra e prokurorisë kërkon që pronari I Thodex, monedhës virtuale turke, të dënohet me 40, 562 vite burg për 3 krime.
Faruk Fatih Özer u arratis nga Turqia me 2 miliard dollarë, të cilat i kishte fituar duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”. Ai kishte mashtruar rreth 360 mijë përdorues të kompanisë së tij, ‘Thodex’.
Akuzohet se ndihmoi bosin turk të kriptomonedhave, arrestohet biznesmeni shqiptar
Ai rezultoi të ishte futur në Shqipëri nga pika e kalimit kufitar të Rinasit më 20 prill të vitit të shkuar, ndërkohë që dolën dhe pamje filmike nga momenti kur u akomodua në një prej hoteleve të kryeqytetit, nga një shtetas shqiptar, i cili ka deklaruar se nuk ishte në dijeni të veprës penale që kishte kryer biznesmeni turk.
