Dy shtetas kosovarë kanë rënë në prangat e policisë pasi janë kapur teksa po transportonin mallëra ushqimore kondrabandë në afërsi të PKK Qafë Prush.
“U godit një rast i kondrabandimit të mallrave dhe u arrestuan në flagrancë, për veprën penale “Kontrabanda me mallra të tjera”, shtetasit H. V., 48 vjeç dhe F. K., 41 vjeç, të dy banues në Kosovë”, njofton policia.
Ata janë kapur në flagrancë nga shërbimet e Policisë, në afërsi të PKK Qafë Prush, duke tentuar të kalonin nëpërmjet kufirit të gjelbër, mallra ushqimore të cilat i kishin ngarkuar në automjetet e tyre, shtuan të njëjtat burime.
Në cilësinë e provës materiale janë sekuestruar 2 automjetet, së bashku me mallrat.
