Një shqiptar dhe një maroken kanë përfunduar në prangat e policisë italiane pasi janë kapur me 30 kilogramë kanabis.
Sipas mediave përtej Adriatiku, 30 kg hashash të ndarë në blloqe dhe që mbartnin sipër figurën e futbollistit të PSG-së, Achraf Hakimi iu gjetën në momentin e arrestimit 31-vjeçarit maroken.
Ai u ndalua në rrugën “Taçioli”, në zonën e Comasina-s, periferia veriore e Milanos, në momentin kur policët vunë re një makinë që ishte parkuar dhe pranë saj qëndronte burri që priste sikur donte të shkëmbente diçka.
Menjëherë pas kësaj, mbërriti një makinë e dytë me hetuesit që zbuluan se ishte një 43-vjeçar shqiptar që kishte 1 kg hashash të sapo blerë.
Kur u ndalua marokeni, policët gjetën në një çantë mbi 11.500 euro para cash. Kontrolli i shtëpisë së tij në zonën e Isolas të Milanos nuk dha rezultat, por burrit iu gjetën në posedim një set çelësash që ai tha se i kishte gjetur
Nga ana tjetër agjentët janë kthyer në një banesë në Bergamo ku janë gjetur edhe mbi 30 kilogramë hashash me imazhin e futbollistit.
Marokeni , i dënuar për drogë, u arrestua dhe tani ndodhet në burgun e San Vittore. 43-vjeçari shqiptar u dërgua në paraburgim për trafik droge.
