Policia e Tiranës ka arrestuar një 42-vjeçar i shpallur në kërkim pasi akuzohet se ka plagosur me armë zjarri në Kryeqytet.
Në pranga ka rënë Robert Doka, i cili gjatë një konflikti për motive të dobëta dyshohet se ka qëlluar me armë zjarri në drejtim të shtetasit Denis Kuka. Shtetasi i plagosur aktualisht ndodhet në spital, jashtë rrezikut për jetën.
“Plagosi me armë zjarri një shtetas dhe u largua, kapet dhe vihet në pranga autori i dyshuar. Sekuestrohet arma e zjarrit pistoletë, e dyshuar e përdorur gjatë krimit. Shërbimet e Komisariatit të Policisë Nr. 4, pas marrjes së njoftimit se në Tufinë, shtetasi R. D., 42 vjeç, gjatë një konflikti për motive të dobëta, kishte plagosur në këmbë, me armë zjarri, shtetasin D. K., kanë organizuar menjëherë punën për kapjen e autorit të dyshuar”, njofton policia e Tiranës.
Në cilësinë e provës materiale u sekuestrua arma e zjarrit pistoletë, e dyshuar e përdorur nga ky shtetas. Vijon puna nga grupi hetimor, për sqarimin e rrethanave të ngjarjes.
