Një 25-vjeçar nga Lazarati është arrestuar për veprën penale armëmbajtje pa leje.
Sipas njoftimit të policisë shtetasi Albion Llakatura gjatë kontrollit iu sekuestrua në cilësinë e provës materiale një armë zjarri automatik.
“Në vijim të punës për parandalimin, evidentimin dhe goditjen e veprimtarisë kriminale në fushën e armëmbajtjes pa leje, u arrestua në flagrancë shtetasi A. Ll., 25 vjeç, banues në fshatin Lazarat, Gjirokastër. Ky shtetas u arrestua në flagrancë pasi gjatë kontrollit të ushtruar nga shërbimet e Policisë, në një ambient që ai kishte në përdorim, u gjet dhe u sekuestrua në cilësinë e provës materiale një armë zjarri automatik”, njofton policia Gjirokastër.
Materialet procedurale në ngarkim të 25-vjeçarit i kaluan Prokurorisë pranë Gjykatës së Shkallës së Parë Gjirokastër, për veprën penale “Mbajtja pa leje dhe prodhimi i armëve, armëve shpërthyese dhe municionit”.
