Ergys Hida, vetëm 36 vjeç u gjet i pajetë në lumin Noncello në Itali. Paraprakisht dyshohet se ai u ndje keq në momentin që hyri në ujë për t’u larë e për pasojë ndërroi jetë.
I riu mësohet se ishte larguar nga banesa e tij dhe po flinte në makinë. Prindërit, mbrëmjen e së hënës kishin denoncuar në polici zhdukjen e tij.
Trupi i tij i pajetë u gjet pasditen e së martës. Autoritetet paraprakisht dyshojnë se vdekja e 36-vjeçarit ka qenë për shkaqe natyrale.
Hida, sipas asaj që shkruajnë mediat italiane, kishte një dyqan tatuazhesh dhe piercing në rrugën Tessitura.
