Kryetari i Partisë së Lirisë, Ilir Meta dhe kreu i selisë Blu, Sali Berisha duket se kanë nisur bashkëpunimin sa i përket zgjedhjeve vendore të vitit që vjen. Këtë e ka konfirmuar vetë Meta gjatë një konference me gazetarët pas takimit që pati më parë me Berishën në selinë Blu paraditëne sotme.
Me ta tha se i kanë lënë në dorë Berishës që të zgjedhë kandidatët më të mirë me të cilët do të dalin në zgjedhje. Ai tha se është e rëndësihme që e gjithë opozita e vërtetë të dalë me një kandiat të përbashkët në këto zgjedhje, pasi kjo është e vetmja mënyrë për të përmbysur regjimin mafizon.
Ndonëse ai dhe Partia e Lirisë kanë si synim të sigurojnë shumicën në Këshillat Bashkiakë, Meta tha se nëse dikush nga Partia e Lirisë propozon që të kandidojë për kryebashkiak pasi ka mendon se ka mbështetje në një bashki të caktuar, do të ulen në bisedime me Berishën dhe të arrijnë një dakordësi.
Ilir Meta: Sa i takon kandidatëve, është e rëndësishëm të ketë vetëm një në çdo bashki. Në kushte te tjera mund të kishte 2-3 ose 4. Në këtë drejtim e kemi bërë të qartë që s’do vëmë kushte për asnjë lloj bashkie. Nëse do të ketë kandidat nga PL që mendojnë se kanë përkrahje në një bashki të caktuar është një çështje që do e diskutojmë që ky kandidat të testohet. Kemi kërkuar që PD të marrë përgjegjësinë për përzgjedhjen e kandidatëve më të mirë.
I pyetur nga gazetarët nëse i ka mbyllur derën grupit të Enkelejd Alibeajt për bashkëpunim sa i takon zgjedhjeve vendore, kreu i Partisë së Lirisë Ilir Meta u shpreh se është i gatshëm të bashkëpunojë vetëm me opozitën e vërtetë dhe jo me ata që bëjnë opozitë me regji.
Ilir Meta: “Unë nuk mbyll asnjë derë, nuk është detyra ime as të mbyll e as të hap. Kam që në 2 mars që jam në sheh përballë këtij regjimi. Kam qenë më parë si president, i vetëm, me përkrahjen e popullit, tani jam më komod se kem një forcë politike, pavarësisht traumave që ka kaluar në ta kaluarën, ka një dinamikë që do jetë spektakolare. Të gjithë mund ta gjykojnë se ku qëndron njëri dhe tjetri në raport me regjimin. Nuk është detyra ime të mbaj komunikim me cilindo, s’kam ndërprerë komunikim me askënd dhe jam tërë ditën në komunikim me të gjithë ata që duan të bëjnë opozitë të vërtetë dhe jo me ata që bëjnë opozitë me regji, hajde bëjmë sikur bëjmë opozitë”.
Kreu i Partisë së Lirisë, Ilir Meta ka zhvilluar një takim ditën e sotme në selinë Blu ku u takua me kryedemokratin, Sali Berisha. Meta u shfaq në selinë e PD-së mëngjesin e sotëm ku për rreth 40 minuta zhvilloi një bisedë “kokë më kokë” me Berishën ku duket se kanë gjetur dhe një dakortësi sa i përket daljes në zgjedhje.
