Takimin e parë për diskutimin mbi datën e zgjedhjeve locale të viti 2023 e pati me atë që e propozoi për t’u zgjedhur në krye të shtetit, dhe një ditë pas diskutimeve me Edi Ramën në zyrën e tij, Presidenti Bajram Begaj priti sot në takime krerët e opozitës, përveç kryedemokratit Sali Berisha.
I pari që i shkoi në zyrë herët në mëngjes ishte parardhësi i tij Ilir Meta në cilësinë e kryetarit të Partisë së Lirisë. Menjëherë pas takimit, Meta foli për gazetarët dhe sqaroi se biseda ishte positive dhe u soll e gjitha rreth zgjedhjeve locale, ndërsa kreu i PL kërkoi publikisht njoftimin e datës kur ato doo të mbahen.
“Qëndrimi im është i qartë sa më parë të shpallet data në respekt të afateve kushtetuese e ligjore dhe besoj se kështu do të ndodhe. Qytetarët e Shqipërisë duhet të shpëtojnë nga kjo zgjedhje moniste në pushtetin vendor , nga ky shpërdorim skandaloz që po i bëhet taksave të tyre”, tha Meta.
Rreth 30 minuta pas largimit të Metës nga Presidenca, aty hynë në grup liderët e partive të vogla në koalicion me PD-në.
Kreu i Partisë Republikane Fatmir Mediu, ai i PBDNJ-së, Vangjel Dule, Agron Duka i Partisë Agrare Ambjentaliste dhe Dashamir Shehi i Lëvizjes për Zhvillim Kombëtar iu drejtuan zyrës së Kreut të Shtetit për të dhënë edhe ata mendimin e tyre lidhur me datën e zgjedhjeve.
Ndërkohë më herët Begaj kishte pritur në takim nënkryetarin e Partisë Demokratike, Oerd Bylykbashin.
E teksa takimet e tij për këtë temë do t’i vazhdojë ditën e nesërme, ajo që bën habi është fakti se Presidenti do të udhëtojë drejt Shkodrës, për të takuar të vetmin kryebashkiak të Partisë Demokratike, Bardh Spahinë.
Mësohet se takimi i Kreut të Shtetit me Bardh Spahinë do të zhvillohet në orën 09.45 në Bashki.m ndërsa më pas Begaj do të ndalet edhe në takime me autoritete të tjera të Shkodrës.
Ndërkohëm sipas Kodit Zgjedhor, zgjedhjet në Shqipëri zhvillohen në periudhat 15 prill deri në 15 maj, ose nga 15 tetori deri në 15 nëntor, por që në këtë rast zgjedhjet me shumë mundësi do të jenë në periudhën e parë.
