Tërheqja surprizë e kryeministrit Edi Rama nga vendimi për t’u hyrë në xhepa dhe për t’u marrë qindarkën e fundit mbi 70 familjeve shqiptare nëpërmjet vendosjes së fashës 800 kËh, ka lënë të çuditur edhe vetë ekspertët e ekonomisë.
Fatos Çoçoli nuk e sheh vendimin e kryeministrit për t’u tërhequr edhe pse ERE kishte marrë vendimin për aplikimin e çmimeve të reja për abonentët familjarë, si jo të motivuar politikisht, por “rënie të lapsit”.
“Duhet që qytetarët të kuptojnë diçka. Energjia nuk është thjesht politikë, është konsum. Ne kemi një energji që 70% të prodhimit tonë, 21% përballohet nga hidrocentralet e vegjël. Me natyrën e prodhimit tonë jemi të detyruar ti adresohemi importit”, tha Çoçoli në “Open”.
Në vijim, eksperti argumentoi se qeveria luajti një lojë, në një kohë kur Shqipëria është e aftë në shumicën e rasteve të përballojë konsumin e energjisë me prodhimin e saj.
“Cila qeveri e botës bën një lojë të tillë brenda një jave. Politika është nonsens, por në llogaritjet ekonomike bën sens. Në shtator ulen temperaturat pak, në momentin kur për shkak të idesë së fashës filluan të kursejnë, atëherë u pa që nga 17 mijë megavat, kërkesë ditore ra me 46%. Me këtë rënie, kjo qeveri filloj i ra lapsit sërish. Edhe importi nuk është më aq i shtrenjtë sa ka qenë para 3 javësh. Çdo qeveri bën llogaritë. Ekonomia më ka mësuar të kem logjikë tjetër”, shtoi ai.
