Gjashtë persona të tjerë janë vënë në pranga nga policia e Kosovës, pasi akuzohen se kanë abuzuar seksualisht me të miturën 11-vjeçare, rasti i së cilës kishte çuar deri më tani pas hekurave 5 persona të tjerë.
Kështu në total 11 në total ndodhen në paraburgim nën dyshimet për dhunimin dhe trafikimin e të miturës nga Prishtina, në qershor dhe në gusht të këtij viti.
Ndalimi i gjashtë personave të tjerë të përfshirë në ngjarjen e rëndë ka ndodhur pas më shumë se dy muajve nga bërja publike e kësaj skeme të abuzimit me një të mitur.
Zëdhënësja e Gjykatës Themelore të Prishtinës, Mirlinda Gashi, ka konfirmuar për Gazetën Express se gjashtë personave të tjerë përfshirë në këtë ngjarje akuzohen për veprat penale “Trafikimi me njerëz”, ”Shërbimet seksuale të viktimës së trafikimit” dhe “Dhunimi’”.
“Referuar kërkesës tuaj për informata, ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit kundër të pandehurve D.RR.,G.S.,B.S.,F.S,M.S. dhe M.R., Gjykata Themelore në Prishtinë – Departamenti për Krime të Rënda me datë 01.10.2022 ju ka vazhduar masën e paraburgimit të njëjtëve edhe për dy (2) muaj, për secilin veç e veç, ndërsa personi i shtatë është arrestuar më vonë, gjegjësisht me datë 13.09.2022 dhe gjendet në masën e paraburgimit”, tha Gashi.
Ngjarja e rëndë ka ndodhur në Dragodan të Prishtinës. Më 27 gusht, 5 burra kanë dhunuar e përdhunuar vajzën.
