Përcaktimi i datës së zgjedhjeve lokale ishte kryefjala e takimit mes kreut të Partisë së Lirisë dhe Presidentit të Republikës, Bajram Begajt.
Gjithashtu me nota humori Meta tha se rikthimi në ambientet e Presidencës i ngjalli nostalgji pasi u çmall me një pikturë të Isa Boletinit, që sipas tij i solli kutjime shumë të bukura.
“Diskutuam në lidhje me zgjedhjet e ardhshme dhe qëndrimi im ka qenë i qartë, sa më parë të shpallet kjo datë, brenda afateve kushtetuese dhe ligjore dhe besoj se kështu do të ndodhë. Sepse një orë e më parë, qytetarët duhet të shpëtojnë nga kjo zgjedhë moniste, nga ky shpërdorim skandaloz i taksave të tyre. Kjo ka ardhur si rezultat i degradimit të një pushteti tërësisht monist. Data konkrete mendon se i takon vetë presidentit të republikës dhe nuk besoj se një javë më parë apo një javë më shumë, por është ai është ai që duhet të gjykoj, me rëndësi që data të vihet sa më parë”, th fillimisht Meta.
Gjithashtu Ilir Meta zbuloi detajet që zhvilloi në takimin me kreun e Partisë Demokratike, Sali Berishën në selinë blu. Meta tha se në qendër të diskutimeve kishin qenë protestat dhe zgjedhjet e ardhshme lokale.
“Me zotin Berisha kemi folur edhe për zgjedhjet edhe për protestat. Pra kemi folur për fuqizimin e demokracisë”, përfundoi Meta.
