Lufta në Ukrainë dhe kërcënimet e fundit të Rusisë për të sulmuar me armë bërthamore Perëndimin kanë rritur frikën se një Luftë e Tretë Botërorë është e pashmangshme.
Edhe Presidenti i Serbisë, Aleksandër Vuçiç duket se e ndjen dicka të tilla teksa sot ka thënë se po vjen “një betejë tjetër e Stalingradit”.
Teksa foli në prezantimin e librit “Vepra të mbledhura të Milorad Ekmeçiçit”, Vuçiç tha se beteja e re më shpejt sesa pritej, teksa i referohet mundësisë së një lufte të re botërore.
“Kam frikë se beteja e Stalingradit do të vijë me të vërtetë dhe më shpejt se që pritej nga kushdo dhe jam i shqetësuar për rezultatin e asaj beteje. Mbetet të shihet, ku do të jemi ne serbët, çfarë do të bëjmë me veten, a do të arrijmë ta ruajmë bregun e djathtë dhe të majtë të Danubit, për veten tonë, për popullin tonë dhe jo për askënd tjetër. Kjo duhet të jetë gjëja më e rëndësishme për ne dhe me këtë zotim e besim të shikojmë në të ardhmen”, u shpreh ai.
Kujtojma se “Beteja e Stalingradit” në Luftën e Dytë Botërore, që u zhvillua nga 23 gushti i vitit 1942 deri më 2 shkurt të vitit 1943, shkaktoi afro 2 milionë viktima.
Ajo njihet si beteja më e përgjakshme në histori të luftërave. Gjermania Naziste me aleatët e saj kishte luftuar për ta marrë nën kontroll qytetin Stalingrad të Bashkimit Sovjetik, qytet që tani njihet si Volgograd.
