Një sasi prej 30 kg kanabisi është kapur nga policia e Krujës. Burime bëjnë me dije se droga është kapur në banesën e Elgan Martinit.
Sipas informacioneve mësohet se sasia e lëndës narkotike ka qenë në proces tharjeje, ndërsa një pjesë e saj ishte ndarë në doza gati për shitje.
Pas kostatimit të drogës, policia bëri të mundur arrestimin e Martinit, ndaj të cilit rëndon akuza e prodhimit dhe shitjeve të lëndëve narkotike.
