Një grup kriminal që akuzohet se vepronte me pagesë është goditur nga policia e Durrësit. Sipas informacioneve paraprake, janë arrestuar 15 persona, të cilësuar pjesë e grupit kriminal.
Ilirjan Feci, i cili ndodhet aktualisht në burg për vrasje dhe Alban Hajdari janë ndër të arrestuarit bashkë me vëllezërit Indrit dhe Gentian Beqiraj. Po ashtu, në kërkim është shpallur Kevi Zeneli, i njohur me nofkën “Suçi”. Ndërkohë që emrat e tjerë dhe detaje rreth aksionit pritet të bëhen me dije më vonë gjatë ditës në një komunikim për mediat në ambientet e Drejtorisë vendore të Policisë Durrës.
Grupi dyshohet se kishte në shënjestër dhe Aleksandër Lahon, i njohur ndryshe si “Rrumi” dhe planifikonte eleminimin e tij.
Pjesë e grupit dyshohet se ishin edhe vëllezërit Beqiraj, që sipas hetitmeve paraprake kishin detyrë vrojtimin e Rumit të e Shijakut për ta ekzekutuar.
Përveç dyshimeve për përfshirje në ngjarje të rënda kriminale, grupi dyshohet se merrej edhe me tregtim armësh.
