Kreu i Partisë së Lirisë, Ilir Meta mesditën e së martës ka mbërritur në ambientet e Presidencës.
Meta është pritur nga kreu i shtetit Bajram Begaj, ndërsa takimi mes tyre po zhvillohet në kuadër të zgjedhjeve lokale të vitit 2023. Para takimit me Begajn, Meta u takua mëngjesin e sotëm me kreun e PD-së Sali Berisha në ambientet e selisë blu.
Sipas Kodit Zgjedhor, zgjedhjet në Shqipëri zhvillohen në periudhat 15 prill deri në 15 maj, ose nga 15 tetori deri në 15 nëntor, por që në këtë rast zgjedhjet me shumë mundësi do të jenë në periudhën e pranverës. Gjithashtu ditën e djeshme edhe kryeministri Edi Rama zhvilloi një takim me Bajram Begajn.
