Opozita e konsideron Edi Ramën si “kokën e aferës së inceneratorëve”. Ndërkohë, kreu i qeverisë tha në një intervistë televizive këtë të Hënë se e “kanë ngrënë pas shpine”, ndërsa mbrojti projektet e inceneratorëve.
I pyetur nëse kemi të bëjmë me një aferë korruptive apo tallje me shtetin, Rama u përgjigj:
“E shof si një projekt shumë të rëndësishëm të qeverisë që ka shpëtuar tre qytete dhe ku individë të caktuar me pushtet apo në sipërmarrje kanë bërë një veprimtari që është kundër ligjeve të shtetit dhe për të cilën janë nën hetim, në gjykim institucionet”.
I njihni vetës ndonjë përgjegjësi, qoftë dhe në aspektin moral?
“Unë e kam mbështetur këtë proces se për sa kohë ka njerëz në ekzekutiv, institucione që në kuptimin metaforik por jo dhe aq mua më hanë pas shpine, kur unë nisem që të bëj një zgjidhje dhe dikush kërkon të përfiton, duhet të mbajë përgjegjësi”, tha Rama, i cili ripërsëriti se “përgjegjësia është individuale”.
