Shqiptari i shumëkërkuar nga drejtësia greke për një grabitje të ndodhur në shtator të 2021-it është vënë në pranga.
Gjykata e Smirnit kishte vendosur dënim me burg me pesë vite për shqiptarin. 26-vjeçari u arrestua fillimisht në nëntor të 2021-it nga policia e Atikës, ku u lirua më pas në pritje të gjykimit.
Mediat greke shkruajnë se, kur shqiptari u paraqit në Gjykatë, dhe kur autoritetet e drejtësisë kuptuan se ai përdorte katër emra dhe se ndaj tij kishte akuza të tjera për vjedhje, 26-vjeçari nxitoi të arratisej nga Gjykata, duke përdorur dhunë dhe fjalor banal ndaj efektivëve të policisë.
Fillimisht ai tentoi të largohej nga dera dhe më pas nga dritarja, por nuk ia doli. Megjithatë ai nuk u dorëzua. I riu shqiptar tentoi të arratisej sërish duke telefonuar nga telefoni i oficerit një të afërm. Oficeri i doli përpara dhe më pas e kapi prej dore. Por i riu e ka shtyrë atë dhe ka tentuar ta godasë me grusht në fytyrë.
Pasi kanë arritur ta neutralizojnë dhe ta vendosin në qendrën e paraburgimit, ai ka nisur të godasë me shqelma krevatin, karriget, të godasë me duar muret dhe hekurat dhe madje të shajë Policinë.
Në fakt, kur komandanti po shkonte në zyrë, 26-vjeçari i ka treguar organit gjenital, e pështyu dhe filloi ta kërcënonte, nga ku dhe ia doli të arratisej.
“Kur të mbaroj me këtë, do të të gjej dhe do të të vras […] Do të vijë radha jote, e mira vonon të ndodhë, do të zbuloj edhe ku jeton, do ta paguajë familja jote.” e kërcënoi ai, i cili, siç konfirmohet nga burime policore, nuk do të dëbohet nga vendi pas përfundimit të dënimit, pasi siç sqarojnë ata nuk ka arsye të tilla.
