Po luhet pjesa e parë e derbit mes Partizanit dhe Tiranës e vlefshme për javën e 6-të të Kategorisë Superiore.
Ndeshja ka nisur me ritëm teksa të dyja skuadrat kanë provuar të ngacmojnë portat respektive. Në minutën e 21-të Patrick rrëzohet në zonë me bardheblutë që kërkojnë penallti.
Sulmuesi bardheblu hyn në zonë dhe merr një pasim në qendër por pastaj rrëzohet pas një kontakti me Matondo, Xhaja bën shenjë që loja të vazhdojë ndërsa më pas pret përgjigjen edhe nga VAR. Ai vendos që të shkojë të shohë vetë pamjet, teksa 2 minuta më vonë akordon penallti për bardheblutë.
Penalltinë e merr përsipër Xhixha, por portieri i të kuqve Rexhepi bën mrekullinë duke shmangur golin.
