Një stuhi ka goditur mbrëmjen e djeshme Sicilinë, midis provincave të Palermos dhe Agrigento.
Si rrjedhojë një autobus është përmbysur përgjatë autostradës shtetërore 624, por fatmirësisht asnjë nga të plagosurit nuk është në gjendje të rëndë.
Dëshmitarët në bord thanë se kishin përjetuar momente terrori dhe menjëherë telefonuan anëtarët e familjes për t’i qetësuar.
Shoferi i autobusit, i cili u përmbys papritur për shkak të furisë së erës dhe lumit me ujë e baltë që përmbyti rrugën, tha se nuk kishte parë kurrë diçka të tillë.
Moti i keq po shkakton dëme dhe përmbytje në Corleone, Contessa, Entellina, Santa Margherita Belice, Sambuca di Sicilia dhe Poggioreale.
