Mediat greke kanë publikuar përgjimet e bisedave të mafiozit shqiptar, Esmin Ferhati me anëtarët e tre bandave që drejtonte në zonën e Atikës në Greqi.
Biseda e cila është spikatur nga policia vendase, është ajo e polices së infiltruar e cila spiunonte për llogari të bandave shqiptare.
Duke qenë se 22- vjeçarja Gjeorgjia ishte në një lidhje dashurie me “Xhulion”, krahun e djathtë të “Eskos”, grupi i grabitësve shqiptarë e shfrytëzonte atë për të marrë informacione nga aksionet që parashikoheshin të ndodhnin për kapjen e tyre.
Në atë kohë, 22- vjeçarja greke ishte një punonjëse e provës në komisariatin e “Zografou”. Në orën 00:02 të datës 29 janar 2022, punonjësja praktikante e Policisë ka kontaktuar me telefon me
Vasilin dhe nga biseda rezulton se ajo e ka informuar me terminologji të koduar se “Esko” po monitorohej nga autoritetet policore.
Esmin Ferhati 30 vjeç dhe 31 pjesëtarët e bandave që ai drejtonte u arrestuan më 27 shtator nga policia greke, ndërsa Esko siç njihet ndryshe koka e bandave ndodhet në gjendje të rëndë shëndetësore, pasi u qëllua me armë zjarri nga një oficere policie, pasi u përlesh, pasi tentoi t’i shmangej arrestimit.
BISEDA
Vasil: Hajde, fol.
Gjeorgjia: Të të them çfarë po bën?
Vasili: Këtu jemi ulur po na çmendin …kush është ai? Përshëndetje.
Gjeorgjia: E mbani mend atëherë që shkuam në karting?
Vasili: Po Gjeorgjia.
Vasili: Dhe a do të vinte edhe shoku i tij, Janis?
Gjeorgjia: Janis është.
Shoku i Vasilit: Cili Janis është shoku i tij?
Gjeorgjia: Shoku i tij Janis!
Vasili: aa
Gjeorgjia: U largua apo është këtu?
Vasili: Nuk e di pse?
Gjeorgjia: Eh, të kesh kujdes me makinën. Sepse ti më the qe nuk ka goma të mira. Gjashtë minuta më vonë, në orën 00:08 të datës 29 janar, pas telefonatës me oficerin e Policisë në provë, Vasili kontakton vëllain e “Escos” dhe e informon për operacionin e autoriteteve policore.
Vasili: Hajde, burrë ku je?
Vëllai i “Eskos”: Eja këtu lart, ti?
Vasili: Ku?
Vëllai i “Eskos“: Këtu te porta!
Vasili: E bukur, bukur. Unë dua të them se ku jeni
Vëllai i “Eskos“: Ku jeni?
Vasili: Nëse je te porta, ulu atje dhe unë do të zbres atje poshtë.
Vëllai i “Eskos“: Hajde pafshim.
Vasili: Ok, pafshim
