Edhe ministri i Mbrojtjes, Niko Peleshi e ka dënuar aneksimin e disa rajoneve në Ukrainë nga ana e Rusisë, të shpallura nga presidenti Putin ditën e sotme.
Ai shprehet se aneksimi i katër rajoneve të Ukrainës është i paligjshëm dhe se Shqipëria e kundërshton pa mëdyshje këtë hap të Rusisë.
“Aneksimi i katër rajoneve të Ukrainës është i paligjshëm. Qëndrimi i Shqipërisë është i qartë, ashtu si ai i SHBA, Bashkimit Evropian, NATO-s dhe shteteve të tjera demokratike. Kundërshtojmë pa mëdyshje këtë veprim të njëanshëm të Rusisë, që shkel hapur të drejtat themelore të Ukrainës për pavarësi, sovranitet dhe integritet territorial”, shkruan në një reagim në rrjetet sociale.
