Mbrëmjen e djeshme është përfshirë nga zjarri një nga dhomat e një hoteli në Divjakë. Për pasojë, ka gjetur vdekjen pronari i hotelit, i cili u asfiksua e më pas u dogj nga zjarri.
Policia bën të ditur se personi që ka humbur jetën është me inicialet LL.M, 60-vjeç.
Grupi hetimor po punon për zbardhjen e rrethanave të ngjarjes
“Rreth orës 10:30, në Divjakë, është gjetur i pajetë shtetasi Ll. M., 60 vjeç, në një nga dhomat e hotelit në pronësi të tij. Nga veprimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur. Grupi hetimor, nën drejtimin e Prokurorisë Lushnjë, po punon për zbardhjen e rrethanave të ngjarjes”- njofton policia.
