Cristiano Ronaldo përfundon në bankën e të akuzuarve te Portugalia që humbi ndeshjen vendimtare me Spanjën për të siguruar finalen katërshe të qershorit. Pas paraqitjes zhgënjyese të CR7 në humbjen e luzitanëve, ai ka përfunduar në syrin e ciklonit të kritikave. Tifozët kanë nisur të thërrasin me zë të lartë për largimin e tij nga kombëtarja por motra Katia Aveiro në një postim të gjatë në Instagram shkruan:
“Duhet t’i jepni një dorë atij ashtu siç ka bërë ai me Portugalinë. Portugezët janë cinikë, të pamëshirshëm dhe budallenj e mjeranë. Cristiano ka qenë dhe është lojtari më i mirë i botës. Ai ka në krah familjen e tij, ata do të jenë përherë në krah të tij. Portugezët pështyjnë pjatën ku kanë ngrënë dhe kështu ka qenë përherë. D të jemi përherë me ty mbreti im. Rri i qetë”.
Ky është një sezon vërtet shumë delikat për Cristianon që po përjeton momente negative te Manchester United dhe nuk arrin të gjejë shpetim as me kombëtaren. Ajo që dikur ishte kështjella e tij e fortë, sot është kthyer në një shtëpi të brishtë. Shtypi lokal, dikur shumë miqësor, e shkarkon dhe e cilëson si shkaktarin kryesor të humbjes me Spanjën.
