Ilirjan Xhani, i cili mbeti i lënduar mbrëmjen e djeshme pas një zjarri që përfshiu barakën ku qëndronte, ka humbur jetën në spital.
Një zjarr dogji një barakë në vendin e quajtur “Ish-ushqimorja” në Sarandë, mbrëmjen e kësaj të Marte.
Brenda saj ndodhej 59-vjeçari, roje i një magazine elektroshtëpiakesh, i cili pësoi djegie të gradës së tretë në gjithë trupin.
Ka qene djali i tij që ka ndihmuar të lënduarin dhe e ka shoqëruar me ambulancë për në spitalin e Sarandës. Prej aty, ai u transportua në Tiranë, në spitalin e Traumës për shkak të gjendjes së rënduar.
Këtë të Mërkurë, Ilirjan Xhani humbi jetën në spital.
