Ka startuar në orën 20:45 takimi mes Shqipërisë dhe Islandës e vlefshme për Ligën e Kombeve. Në takimin që po zhvillohet në “Air Albania”, kuqezinjtë e kanë nisur më së miri takimin teksa miqtë mbeten me 10-të lojtarë.
Në minutën e 8-të, Uzuni fiton një duel me Gunarson dhe niset drejt zonës, por ndalohet pas një përplasje me kapitenin e Islandës.
Sulmuesi kërkon që pamjet të shihen nga VAR dhe pas pak çastesh gjyqtari ftohet pranë ekranit. Pas shikimit të pamjeve, gjyqtari i tregon kartonin e kuq mbrojtësit të Islandës.
