Nga Boldnews.al
Ministri i Mbrojtjes, Niko Peleshi, pasi “ngriti” në Shqipëri flotën më të madhe ajrore të Ballkanit, po synon që vendi ynë të jetë supërfuqi edhe në zbulimet nepërmjet inteligjencës. Ai këmbënguli disa javë më parë që Shqipëria të ketë satelitët e saj në hapësirë, një dëshirë e vetë kryeministrit Edi Rama. Por, këto dëshira kushtojnë!
Satelitët janë 7 milionë euro, ndërsa vendi ynë duket se ka para’ me thasë kur vjen puna të tekat e shtetarëve. Por, për shqiptarët, paratë janë me pikatore. Sipas dokumenteve që disponon BoldNews.al, Peleshi ka hapur dy tendera, vlera e së cilëve është plit 1.5 milionë euro. Një nga tenderët është quajtur sekret shtetëror, ndërsa tenderi tjetër është kofidencial. Të dy, kanë të bëjnë me inteligjencën, teksa ato janë shpallur vetëm disa javë pasi në territorin e Shqipërisë janë kapur disa agjentë rusë, ukrainas dhe çekë.
Sipas dokumentit të mësipërm, Peleshi ka hapur procedurën e kufizuar, e klasifikuar në nivelin “sekret”. Bëhet djalë për një prokurim në fushën e mbrojtjes dhe sigurisë. Objekti i tenderit është “modernizimi i sistemeve në interes të rritjes së produkteve të inteligjencës”, teksa fondi limit ëhstë 88.818.754 lekë pa TVSH.
Mësohet se kohëzgjatja e kontratës është duke filluar nga data e lidhjes së kontratës me përfundim brenda 9 muajve. Duke qenë kontratë sekrete, procedura do të kalojë disa faza. E para është parakualifikimi dhe përzgjedhja e kandidatëve.
“Procesi i para kualifikimit do të bëhet duke u përqendruar në vlerësimin e përvojës dhe aftësinë e kandidatëve për të zbatuar në mënyrë të kënaqshme kontratën konkrete”, thuhet në këto dokumente, teksa synohet që operatorët ekonomikë duhet të jenë të pajisur me Certifikatën e Sigurimit Industrial (CSI), lëshuar nga DSIK, e cila duhet të jetë jo më e ulët se niveli i klasifikimit “sekret”.
Ndërkohë, në të njëjtën kohë, ministri Peleshi ka hapur me shpejtësi një tjetër procedurë. Duket se me spiunët rusë te dera, të cilët mësynë një fabrikë armësh të braktisur në qarkun e Elbasanit, kanë “alarmuar” edhe vetë Peleshin, i cili ka filluar të lëshojë dorën, duke dalë kundër zakonit se korçarët janë dorë shtrënguar.
Në tenderin e dytë, Peleshi shkruan se kjo procedurë është e klasifikuar në nivelin “konfidencial”, ndërsa ka si objekt “shërbim me qarqe dixhitale për nevojat e FA”. Mësohet se fondi limit në total është 79.164.000 lekë pa TVSH, ndërsa kohëzgjatja e kontratës ose afati kohor për ekzekutimin është duke filluar nga data e lidhjes së kontratës me përfundim brenda 3 viteve.
Duket se me këto dy tendera Peleshi do t’i kapë spiunët prej leshi!
