Një 30-vjeçar nga Kosova është arrestuar nga policia në aksin Gjirokastër-Tepelenë pasi është kapur duke transportuar me makinën e tij 5 emigrantë të paligjshëm kundrejt shumës 250 euro për person.
Policia bën me dije se në pranga është vënë shtetasi L. Xh., 30 vjeç, banues në Kosovë.
Gjatë aksionit blutë kanë sekuestruar automjetin dhe një telefon celular që përdorej nga 30-vjeçari.
Tashmë materialet hetimore në lidhje me këtë ngjarje i kanë kaluar Prokurorisë pranë Gjykatës së Shkallës së Parë Gjirokastër, për veprime të mëtejshme.
