Një aksident i rëndë ka ndodhur pak minuta më parë në afërsi të tunelit panoramik në autostradën Tiranë-Elbasan.
Mësohet se efektivi Ferdindand Bahja ka qenë duke shkuar në një vendngjarje për të kryer detyrën dhe në momentin që ka ndaluar një tjetër automjet ka marrë përpara makinën me të cilën udhëtonte.
Raportohet se efektivi i policisë rrugore ka marrë plagë të rënda nga përplasja e fuqishme.
Pas aksidentit, punonjësi i policisë është dërguar me urgjencë në Spitalin e Traumës për të marrë mjekimin e duhur, ku i është bërë edhe ndërhyrja e menjëhershme.
Moti i keq me rreshje të dendura shiu besohet të jetë arsyeja që ka ccuar në këtë aksident, ndërsa nuk përjashtohet mundësia që automjeti, që përplasi efektivin të ketë qenë me shpejtësi tej normave të lejuara.
Njoftimi i policisë
Më datë 27.09.2022, rreth orës 19:15, në aksin rrugor Elbasan-Tiranë, në fshatin Gracen, automjeti tip “Lancia”, me drejtuese shtetasen S. V., 51 vjeçe, banuese në Tiranë, ka përplasur punonjësin e Policisë të qarkullimit rrugor të DVP Elbasan, shtetasin F. B., 53 vjeç, i cili është transportuar në spital dhe ndodhet në gjendje të rëndë për jetën.
Punonjësi i Policisë ishte në krye të detyrës, pasi kishte shkuar për të trajtuar një aksident të ndodhur më parë, daljen e një automjeti nga rruga, në këtë aks.
Drejtuesja e automjetit, shtetasja S. V., është arrestuar në flagrancë.
Grupi hetimor po punon për zbardhjen e plotë të rrethanave të aksidentit.
