Kreu i Partisë së Lirisë, Ilir Meta ka reaguar për herë të parë pas fitores së kandidates së qendrës së djathtë, Georgia Melonit e cila do të bëhet kryeministrja e parë femër në historinë e Italisë.
Gjatë një postimi në rrjetet sociale, Meta i uron suksese qeverisë së re në Itali duke theksuar se me partnerë të rëndësishëm strategjikë do të forcohen marrëdhëniet mes dy vendeve.
“Italia foli qartë! Urimet më të mira Georgia Melonit për fitoren bindëse së bashku në koalicionin e qendrës së djathtës me Matteo Salvini dhe Silvio Berlusconi. Duke i uruar shumë suksese qeverisjes së re të Italisë mike dhe partnere të rëndësishme strategjike, jemi të vendosur për forcimin e mëtejshëm dhe të gjithanshëm të marrëdhënieve mes dy vende dhe popujve tan”, shkruan Ilir Meta.
Qendra e djathtë fiton zgjedhjet në Itali, por mbi të gjitha fiton Giorgia Meloni: në numërimin ende në progres koalicioni qëndron në 44% me Vëllezërit e Italisë mbi 26%, Liga që shembet në 9% dhe Forza Italia në 8%. Qendra e majtë nuk arrin 27%: Partia Demokratike është nën 20%, Aleanca e Gjelbër dhe e Majtë kalon pragun e 3%, një objektiv që + Evropa dhe Angazhimi Qytetar i Luigi Di Maio nuk arrijnë as 1%.
