I identifikuar si “Luani i artë”, një i ri nga qyteti i Vlorës është intervistuar në mënyrë të fshehtë nga mediat britanike në një botim lidhur me trafikun ilegal të klandestinëve nga vendi ynë. “Daily Mail” shkruan se i riu nga Vlora fiton shuma prej 1 milon paund në jave nga tregtia ilegale e emigrantëve.
Video-regjistrimi është kryer në Francë, aty ku emigrantët strehohen për pak ditë që më pas bëhen gati për tu nisur me gomonë drejt shtetit anglez.
Siç tregon kjo video, gjatë një bisede “Luani i artë” tregon shumën e parave që duhet të paguajë emigranti për të shkuar drejt Anglisë. Po ashtu ai thotë se i vetmi problem është koha, pasi gjërat e tjera janë në rregull.
“4.5. Koha është ajo që të pengon, as unë as tjetri. Se kam unë në dorë.”
Gjatë takimit të dytë ai tregon se nëse emigranti kapet sapo futen në Britaninë e Madhe, dërgohen në kamp ku mbahen me ushqime, intervistohen dhe më pas lihen të lirë.
“Anglezët të çojnë në kamp, atje të mbajnë dhe pastaj të nxjerrin dhe të çojnë në hotel Në hotel ik ku të duash pastaj.”
Kohëvë të fundit kanë qënë mediat britanike që kanë ngritur këtë shqëtësim pas rritjes serioze të numrit të personave që kanë hyrë në Britani në mënyrë ilegale nga Shqipëria.
“Daily Mail” shkruan se më shumë se 30,000 emigrantë kanë kaluar Kanalin Anglez me varka të vogla deri më tani, duke tejkaluar shifrat e gjithë vitit 2021.
Shqiptarët përbënin rreth 60 përqind të kësaj shifre ndërkohë që media të tjera i kushtojnë rëndësi shumave të shpenzuara nga qeveria britanike për reklamat që dekurajojnë emigracionin e paligjshëm, duke theksuar se e efekti i tyre ka qenë zero.
