Një shtetas me iniciale B. H., 20 vjeç, banues në fshatin Risli, është arrestuar pasi dyshohet se ka ushtruar dhunë psikologjike ndaj familjarëve të tij dhe ka dëmtuar automjetin e babait të tij, si dhe ka kundërshtuar punonjësit e Policisë, gjatë momentit të shoqërimit.
Njoftimi/ DVP Vlorë:
Vihen në pranga 2 shtetas dhe procedohen në gjendje të lirë 2 shtetas të tjerë, për vepra të ndryshme penale.
Nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit B. H., 20 vjeç, banues në fshatin Risli, pasi dyshohet se ka ushtruar dhunë psikologjike ndaj familjarëve të tij dhe ka dëmtuar automjetin e babait të tij, si dhe ka kundërshtuar punonjësit e Policisë, gjatë momentit të shoqërimit.
Nga specialistët për Hetimin e Krimeve në Komisariatin e Policisë Sarandë u referuan materialet në Prokurori dhe nisi procedimi penal në gjendje të lirë për shtetasit S. O., 68 vjeç dhe N. O., 41 vjeçe, pasi janë konfliktuar fizikisht me njëri-tjetrin, për motive të dobëta.
Nga specialistët e Qarkullimit Rrugor në Drejtorinë Vendore të Policisë Vlorë u arrestua në flagrancë shtetasi M. A., 29 vjeç, banues në Vlorë, pasi është konstatuar duke drejtuar automjetin, pa leje drejtimi.
Materialet i kaluan Prokurorisë, për veprime të mëtejshme.
