Statujat në shëtitoren “Taulantia” të Durrësit, të këngëtarëve Tina Turner, John Lennon, Mick Jagger dhe Bob Dylan, janë kthyer në një rrezik për qytetarët.
Në një denoncim për JOQ, një qytetar denoncon rastin e plagosjes të së bijës. Teksa vogëlushja po bënte foto statuja i ka rënë sipër dhe vajza ka përfunduar në spital.
Pak orë më parë u raportua se statuja e Tina Turner është dëmtuar në rrethana ende të paqarta dhe për këtë arsye është spostuar në një vend tjetër me qëllim kthimin në gjendjen e mëparshme. Por siç duket statuja është thyer dhe ka rrezikuar jetën e vogëlushes.
Denoncimi:
Pershendetje, Duke i bere foto femijes i bie siper statuja gjysem e thyer. Femija me demtime ne koke dhe gjithe trupin. TMERR! Statujat janë vendosur për të dhënë idenë e lirisë te të rinjtë e viteve ’80 e cila kulmoi me eksodin e famshëm në drejtim të vendeve perëndimore. Një ditë më parë, ajo e Tina Turnes ishte ‘shkulur’ e gjitha, duke lënë pas vetëm takat e këngëtares.
